november 2016Monthly Archives
Gudsteneste søndag 27.nov
Søndag er alle hjarteleg velkomen til gudsteneste i Bjellandsvegen 51. Det er Marit Helene Aas som skal tala, og emnet hennar er «dei åndelege gåvene», og teksten er 1.Korintarbrev 12.
Elles er det jo første søndag i advent, noko som skal markerast på skikkeleg vis 🙂
Biskop Halvor Nordhaug «kasta lys» over årets fakkeltog
Biskop Halvor Nordhaug heldt ein krafig appell for forfølgde kristne på torget. Noko over hundre frammøtte fekk høyra om kva kostnadar det inneber for menneske i Iran og Saudi Arabia å konvertera frå islam til kristen tru. Han fortalde om diskriminering, yrkesforbod, fengsling og endå til tap av liv for konvertittar i desse landa. Problemet er massivt og aukande, og det er all mogeleg grunn for oss å protestera og mana til bøn og omsorg for våre kristne trussøsken som er utsette for denne typen urett, appellerte biskopen.
Fakkeltoget gjekk frå torget til kyrkja der sokneprest Eirik Aadland Tappel heldt ein framifrå tale ut frå Matteus 5,1-11, der han presiserte at ingen blir lukkelege av å ha det elendig, men elendige er lukkelege når dei har Gud. Difor er forfølgde kristne lukkelege menneske. Himmelriket er deira.
Elles var det fin song av koret Ichtus og av Heidi Rolfsnes, og soknerådsleiar Åsa Rygg las eit nylaga dikt som gjekk forsamlinga rett til hjarta.
Fakkelbærarane var lydhøyre for biskopen sin bodskap
Ein av dei frammøtte var Knut Vikestrad
