På gudstenesta komande søndag skal me feira hausttakkefest. Under gudstenesta vil me gje rom for alle som ønskjer å fortelja om gode ting som har skjedd i livet i løpet av 2021, ting det er verd å takka Gud for, ting som me identifiserer som Guds omsorg for oss.
Pastor Jens Thoresen vil då også tala om takknemlighet, som forresten er eit takknemlig emne å tala om.
Etter gudstenesta dekkar me bugnande bord med frukt og grønt som me kan nyta med stor glede.
Velkomen til Bjellandsvegen 51 kl. 11.
Det er Knut Arve Nordfonn som kjem til å ha hovudansvaret for denne gudstenesta som vil bli prega av både Guds ord og sosialt fellesskap. Alle er hjarteleg velkomen!
Søndag 26 september er du hjarteleg velkomen til gudsteneste kl 11. Pastor Jens Thoresen vil tala over 1. Timoteusbrev 2,1-7. Det handlar mykje om bøn og om kor viktig det er at me har eit fungerande bøneliv, men også om Guds enorme hjarta for oss menneske. Dette kan koma til å bli veldig, veldig bra 😀❤
Det vart ei høgtidssam og fin gudsteneste i dag då John Ruben Reinertsen og David Sabermotlagh vart konfirmerte i Kristkyrkja. Det var to staute karar som i dag gjekk over i dei vaksne sine rekker. Me ønskjer dei alt godt framover i livet.
