Jens ThoresenAuthor Archives

Komande søndag er det Marit Helene Aas som skal tala på gudstenesta. Teksten er Matteus 17:1-8, og handlar om då Jesus vart herleggjort for Peter, Johannes og Jakob på det mange meiner var Taborfjellet aust for Nasaret. I denne teksten står kong Jesus fram i sin herlegdom, og Moses og Elia kjem ned frå himmelen for å snakka med han om hans død. Det var ein viktig samtale.

Jesu disiplar gløymde aldri denne hendinga, og omtalar henne fleire gongar seinare. Vel møtt til store og små.

Pastor Jens Thoresen

Komande søndag, den 9.februar, er det Såmannssøndagen.
Teksten me skal tala over er Lukas 8:4-15. Det einaste som kan bringa Guds liv inn i hjarto våre er Guds ord, for Guds liv ligg i Guds ord, og berre der.
Verda ropar etter Guds ord, og i Kina er biblar ei stor mangelvare. Denne søndagen skal me difor samla inn pengar til trykking av spreiing av biblar til Kina. Det vil gjera mange glade. Guds ord har stor framgang i Kina i denne tida, og skal alle nye kristne bli bevart hos Jesus og i ei sunn tru (det er mange tilfeller av usunn lære og også direkte vranglære), treng dei biblar, og det skal me vera med å bidra til denne søndagen.

Det er pastor Jens Thoresen som talar på søndag.

Pastor Jens Thoresen

Komande søndag er det pastor Jens Thoresen som forkynner dei gode nyheitene om Jesus. Dagens tekst er Lukas 18:35-43. Den blinde Bartimeus sit ved vegen og tiggar pengar. Men då Jesus reiser forbi, tenkjer han ikkje meir på pengane. Han ropar til Meisteren: «Gje meg synet attende». Pengar og verdiar er ikkje det same. Det syner denne forteljinga. Synet kan ikkje betalast med pengar. Enno mindre Guds frelse i Jesus Kristus. Vel møtt til store og små. Me startar som vanleg kl. 11