Oppstadne Jesus Kristus, min Herre og min Gud! Eg lovar og prisar deg, hjarteven og frelsarmann, du som har fridd meg frå alle mine synder med ditt blod, og gjeve meg eit evig liv og ein heim i di kyrkje på jorda. Eg ber deg: Reis opp denne kyrkja di. Bevar henne i ei sann tru, fyll henne med din Ande, og leid henne ved ditt ord.
Må heile jorda minnast di liding og venda om til deg, og må alle folkeslag prisa deg.
Styrk og hjelp alle som blir forfølgde for ditt namns skuld, og gje frelse og vern til Israels land og folk. Amen!
DiverseCategory Archives
Ei bøn til dagleg bruk
Gatekyrkje laurdag 3.oktober
Laurdag 3.oktober skal me for første gong ut med den nye gatekyrkja vår. Den blir sett opp som ein evangeliseringsstand på torget. Alle som vil vera med møter opp i Kristkyrkja kl. 10 for å be før me køyrer ned til Leirvik for å møta folket. Det skal bli utruleg spennande å sjå korleis denne teltkyrkja vil fungera. Me trur det blir bra. Her skal me servera kaffi og kaker (kjeks), tilby gode kristne bøker, hefter og traktatar og ha korte fengande evangeliepresentasjonar. Har du lyst å vera med, er du hjarteleg velkomen til det 🙂
Gudsteneste søndag 27.september kl 11.
Komande søndag er det Marit Helene Aas som skal tala. Teksten hennar er Filipparbrevet 1,9-11: » 9 Og dette bed eg om, at kjærleiken dykkar må bli rikare og rikare på dømmekraft og innsikt, 10 så de kan skjøna og avgjera kva som er viktig, og stå reine og ulastelege på Kristi dag, 11 fylte av rettferds frukt som veks fram ved Jesus Kristus, til lov og ære for Gud.» Her får me ein unik innsikt i Paulus sitt bøneliv, og det kan fort bli eit godt mønster for oss også. Vel møtt i Bjellandsvegen 51 kl. 11
Inspirasjonshelg med Øystein Åsen 18-20.september
Øystein Åsen er ein kjær og god ven av oss. Til dagleg arbeider han i misjonsorganisasjonen Asia Link, og i tider utan Covid -19, reiser han i mange asiatiske land for å utrusta og inspirera kristne til å leva som frimodige Kristusvitner i kvardagen. Øystein er også ein framifrå pianist og songar. Denne helga vil me også kunna nyta godt av desse evnene hans.
Lat ikkje denne helga gå deg hus forbi.
Her kan du lesa meir om Øystein og programmet for helga: Øystein Åsen 2020, brosjyre
