Kristkyrkja på Stord

http://www.mediafire.com/file/6ui5j912hmwz4pm/Marit_Aas._Lukas_24%2C44-52.mp3

Komande søndag er du hjarteleg velkomen til gudsteneste kl. 11.
Marit Helene Aas forkynner Guds ord. Ho skal tala ut frå Lukas 24,44-52.

Dette avsnittet handlar om Jesu kall til å forkynna evangeliet for alle menneske over heile kloden, og om den utrustninga som Far i himmelen gjev for at oppdraget skal bli utført på ein vellukka måte.

Fredag 12.mai går me saman med Nytt Liv i Sagvåg og arrangerer møte med Gordon Tobiassen med tema: «Kva seier Bibelen om Israel.»

Møte blir i Nytt Liv sine lokaler i Podlen. Vel møtt!

Juliana i den fine, nye bunaden sin

Det vart ein fantastisk fin konfirmasjonsdag for Juliana Mohammad i dag. Strålande sol, om enn litt kaldt i lufta. Det var god stemning frå start til slutt. Gjestene var i godt humør, som seg hør og bør, og Juliana svarte elegant på alle spørsmål ho fekk om den kristne trua frå pastor Jens Thoresen, og på festen etterpå talte ho som ein prest.

Det var ho ikkje åleine om. Ho fekk mange fine helsingar, og spesielt gjorde det veninna Lea sa, inntrykk både på Juliana og alle som var til stades. Det var gode ord frå hjarta.

Her er ein oppsummering av talen søndag
http://www.mediafire.com/file/p81lzu33awawhio/Efesarbrevet_2%2C8-10.m4a

Familien på eitt brett: Frå venstre veslesøster Mirjam, mamma Fahima, Juliana og pappa Mostafa

Her er alle gjestene samla på kyrkjetrappa

Komande søndag blir det konfirmasjon i Kristkyrkja. Det er Juliana Mohammad som skal konfirmerast. Ho har i laupet av dette siste skuleåret fått opplæring i dei grunnleggjande kristne sanningane, og me har snakka mykje om kva det vil seia å leva som kristen. Under gudstenesta vil ho sjølv fortelja litt om kva dette året har betydd for henne. Elles vert det eit rikhaldig program. VEL MØTT TIL ALLE!

Lytt til dagens tale. Gro Jansson talte innsiktsfullt og opplysande om Emmausvandrarane.
http://www.mediafire.com/file/20vmmbqgytdiewg/Gro%2C_23.april.mp3