I går, den 26. november, vart fem ny truande døypte i Kristkyrkja. Alle er mellom våre nye landsmenn. Det vart ei høgtidssam stund både for dei fem, og for alle frammøtte. Etter gudstenesta var det kyllinggryte, kaker, saft og kaffi.
Gudsteneste med dåp
Komande søndag blir det dåpsgudsteneste. Det er fem nye kristne frå Iran og Syria som skal døypast. Tale v/pastor Jens Thoresen. Middag etter gudstenesta. Alle er velkomen.
Gudsteneste søndag 19.november kl 12
Pastor Jens Thoresen talar over Kolossarbrevet 1,15-20. Dette avsnittet handlar om Jesus, kven han var, om hans identitet om du vil. Det er eit veldig spennande tema i kristendomen. Ein gong spurde Jesus læresveinane sine: «Kven seier folk at Menneskesonen er?» Han fekk mange ulike svar på det spørsmålet. «Men de, kven seier de at eg er?» Då svara Peter: «Du er Messias, den levande Guds Son.» Og Jesus anerkjente dette svaret og sa: «Dette har ikkje kjøt og blod openberra for deg, men Far min i himmelen.»
Gudsteneste søndag 12 november kl 12
Denne søndagen vil pastor Jens Thoresen tala over Kolossarbrevet 1,9-14. Dette er ein tekst som lærer oss korleis me skal be for kvarandre og for kyrkja over heile jorda. Les og tenk over teksten før du kjem. Det vil auka utbyte av gudstenesta. Kanskje Gud også vil gje deg noko som du skal dela med resten av kyrkjelyden.
