Gudsteneste 3.søndag i advent
Komande søndag, den 13.desember er du velkomen til gudsteneste kl. 11. Det er pastor Jens Thoresen som skal tala. Teksten er Lukas 3,7-20.
Tekstane i adventstida er prega av eit visst alvor. Slik også søndagens tekst. Der møter me døyparen Johannes som talar til folket, og han er ganske direkte med dei. Kvar enkelt gruppe får klår melding om kva dei må gjera for å koma godt ut av det med Gud på dommens dag.
Det er dette universet me skal dukka inn i på søndag. Utfordrande? Ja. Men inspirerande også, for det er no slik med oss menneske at me let oss inspirera av utfordringar.
Barnegudsteneste 29.november
Søndag den 29.november blir det BARNEGUDSTENESTE i Kristkyrkja. Det blir stas, og alle er velkomen til å vera med. Gudstenesta startar som vanleg kl 11. Tema er som seg hør og bør på ein 1.søndag i advent: «Han som set fangar fri.» Det kjem til å bli kreativt. Etter gudstenesta skal me ha juleverkstad. Alle er velkomen til å vera med.
