Kristkyrkja på Stord

Laurdag 3.oktober skal me for første gong ut med den nye gatekyrkja vår. Den blir sett opp  som ein evangeliseringsstand på torget. Alle som vil vera med møter opp i Kristkyrkja kl. 10 for å be før me køyrer ned til Leirvik for å møta folket. Det skal bli utruleg spennande å sjå korleis denne teltkyrkja vil fungera. Me trur det blir bra. Her skal me servera kaffi og kaker (kjeks), tilby gode kristne bøker, hefter og traktatar og ha korte fengande evangeliepresentasjonar. Har du lyst å vera med, er du hjarteleg velkomen til det 🙂

Komande søndag er det Marit Helene Aas som skal tala.  Teksten  hennar er Filipparbrevet 1,9-11: » 9 Og dette bed eg om, at kjærleiken dykkar må bli rikare og rikare på dømmekraft og innsikt, 10 så de kan skjøna og avgjera kva som er viktig, og stå reine og ulastelege på Kristi dag, 11 fylte av rettferds frukt som veks fram ved Jesus Kristus, til lov og ære for Gud.» Her får me ein unik innsikt i Paulus sitt bøneliv, og det kan fort bli eit godt mønster for oss også. Vel møtt i Bjellandsvegen 51 kl. 11

Øystein Åsen er ein kjær og god ven av oss. Til dagleg arbeider han i misjonsorganisasjonen Asia Link, og i tider utan Covid -19, reiser han i mange asiatiske land for å utrusta og inspirera kristne til å leva som frimodige Kristusvitner i kvardagen.  Øystein er også ein framifrå pianist og songar. Denne helga vil me også kunna nyta godt av desse evnene hans.

Lat ikkje denne helga gå deg hus forbi.

Her kan du lesa meir om Øystein og programmet for helga: Øystein Åsen 2020, brosjyre

Komande søndag er du hjarteleg velkomen med alle du kjenner til gudsteneste kl 11. Pastor Jens Thoresen vil tala over teksten i 2.Timoteusbrev 1,7-12, eit avsnitt som handlar om å vera ved godt mot fordi Jesus er større enn alle omstender som livet byr. Han har kalla oss med eit heilagt kall til å følgja og tena han. Det er eit stort privilegium.  Alle syndene våre har han fjerna då han døydde  for oss på krossen, og me får leva saman med han i ei fullkomen rettferd . Det er ganske stort altså.

Ein god gjeng stilte til dugnad i kveld, og arbeidet gjekk unna som ein lek. Me fekk luka masse ugras, reinsa alle stolane og rydda huset til konfirmasjonsfesten laurdag. Her syner Ingvild og Josef kor fint det er blitt på parkeringsplassen som var heilt overgrodd før dei starta arbeidet.