Kristkyrkja på Stord

Når folk stel, er årsaken omtrent alltid VANTRU. Ein tjuv trur han/ho må sørga for seg sjølv, skaffa seg lukke sjølv, skaffa seg materiell tryggleik eller overflod sjølv osv. Men dette er ei stor djevelsk løgn. For den Gud me trur på ber namnet  JAVEH JIREH, Herren, vår forsørgar. Han gjev oss ikkje berre det me treng, men alt i overflod. Ja, han velsignar oss på ein slik måte at me tilfredse og lukkelege kan proklamera som David i Salme 23: «Eg manglar ingenting!»

Då Gud gav oss sine lover, var det for at me skulle leva gode liv, og forat samfunnet skulle bli godt å leva i. Og alle som følgjer hans lover, erfarer hans enorme velsigning. Eit samfunn der folk ikkje kan stola på kvarandre er ufyseleg. Då blir resultatet høge murar med glasbrot på, fiendskap, hat og alle mistenkjer kvarandre for alt mogeleg. Slik er det i mange land i dag.

Og enno meir: Den gode Gud forbyr oss å stela, ber han oss samstundes leva som rause menneske, som gjevarar, folk som fyller andre sine behov, og jo meir me lever slik, jo meir fyller han på hos oss.

Velkomen til meir godt undervisningsstoff om emnet på søndag , og Gudstenesta startar som vanleg kl. 11.

15.oktober 2019

Roy Godwin er blitt kjent i Noreg dei siste åra m.a. gjennom dei årlege OASE-stevnene. Han og kona driv det kristne retreatsenteret Ffald y Brenin i Wales, ein plass på jorda der Gud er merkbart nær, ein plass der folk møter Gud og der det skjer under.

24.september 2019

På gudstenesta komande søndag vil du ha gleda av å lytta til Tone Reinertsen Hellesøy som skal tala om det 6.bodet: «Du skal ikkje bryta ekteskapet!» Knapt nokon av Guds bod blir brote så ofte som dette, og mange bryr seg lite og ingenting om det. Men Gud meiner alvor med boda sine, og difor må me snakka om dei og trenga inn i kva Gud meiner med det han her seier.

Etter gudstenesta skal me ha kaffi og noko godt å bita i.

VELKOMEN MED ALLE DINE  I KRISTKYRKJA KLOKKA 11  🙂