Mandag 7. til fredag 11. august konsentrerar me oss om å vinna menneske for Jesus.
Me skal vera saman ute på gata og bemanna stand med bøker, traktatar, hefter, kaffi og kaker. Ingen skal vera åleine. Me er alltid minst to i lag.
Målet er å få prata med folk om Jesus og få velsigna dei på så mange måtar som mogeleg.
Har du lyst å vera med? Meld deg på. Ring 47415864, eller bruk mailadressa: pastor@kristkyrkja.no
Evangeliseringsavisa me skal nytta kan du lesa HER: Tenk, tru og lev
Ein god månads ferie er til ende.
Komande søndag startar me med haustens gudstenester, og med alt anna for den saks skuld :).
Denne hausten vil me jobba veldig bevisst med DISIPPELSKAP. Å vera ein kristen er på ingen måte identisk med å vera ein disippel. Ein disippel er ein person som dagen lang er fokusert på å hjelpa bortkomne menneske attende til Gud, for så å fostra dei (disippelgjera dei) til sjølve å bli menneskefiskarar.
Dette er eit ekstremt spennande og høgst naudsynt tema å løfta fram og begynna å leva i. Det er pastor Jens Thoresen som talar på søndag.
Velkomen i Bjellandsvegen 51 søndag kl. 11.
På gudstenesta i Kristkyrkja i dag talte Ingvild Nordfonn strålande om korleis me kan utvikla nært venskap med Den Heilage Ande. Kanskje du skulle lytta til den? Mange av oss vart klokare i dag
http://www.mediafire.com/file/e3tmse019s9g1jc/2017_06_25_Ingvild_talar_om_Den_Heilage_Ande.mp3
Komande søndag er det Ingvild Nordfonn som skal tala i Kristkyrkja. Ho skal, som de ser, snakka om Den Heilage Ande og om det som er hans gjerning i liva våre. Det gler me oss til å høyra. Vel møtt kl 11.
Komande søndag vil Jørn Rune Reinertsen tala over Matteus 7,24-29. Det er avslutninga på Bergpreika, og Jesus seier at dei som byggjer liva sine på det han har sagt i denne talen, byggjer på fjellfast grunn, og vil bli ståande i alle slags stormar. Men dei som neglisjerer Jesu ord og lever liva sine etter sitt eige hovud, vil koma til å lida nederlag når livsens stormar bryt laus.
Kom på gudstenesta søndag kl 11 og høyr meir om dette umåteleg viktige emnet.
